Unibertsitatearekin elkarlanean

Abenduaren 16an E.H.Uko Arkeologiako 1.mailako ikasleentzat jarduera berezia gauzatu genuen. Hasteko, Museoko tailerra eta erakusketa ezagutzeko aukera izan zuten eta ostean atal praktikoa jorratu genuen. Osagai praktikoa Elosuko areto kulturalean burutu zen. “Altxorraren bila” jolasean oinarrituz, sasoi eta ezaugarri ezberdinak zituzten buztinezko ontzi eta puxketaz betetako hiru kutxa erabili  genituen. Horrela, denen artean, piezei buruz zekitena mahaiganeratu zuten Blankaren azalpenekin osatuz.

 Museoak urteak daramazki unibertsitatearekin elkarlanean eta beti suertatzen da esperientzia aberasgarri eta erakargarria arkeologogaientzat metodologia bizia eta parte hartzailea baita eta materiale ezberdinak ezagutu eta aztertzeko aukera baitute berauen ezaugarri, formen bilakaera, apaindurak eta teknikekin kontaktua izatearekin batera.