Gurpila

Buztingilearen gurpila aurrerapauso handia izan zen bide honetan. Esan liteke gizakiak sortu zuen lehenbiziko makina izan zela. Pieza gehiago eta hobeto egiteko bidea zabaldu zuen. Eltzegintzako lantegiek, horrela, merkatu zabalagoa hornitu ahal izan zuten. Tresna hau ere Ekialde Hurbilean sortu zen, Kristo baino 4.000 urte inguru lehenago. Eta Iberiar Penintsulara feniziarrekin eta greziarren eskutik etorriko zen seguru asko, baina erromatarrak izan ziren Penintsulako ipar eta mendebaldera zabaldu zutenak.